خلال لقائه مع ET بالعربي، خرج الفنان هاني شاكر، للمرة الأولى عن صمته ليكشف حقيقة الأخبار التي تم تداولها مؤخراً حول منعه الفنان العراقي كاظم الساهر، من الغناء في مصر لمدة 12 عامًا.
وقال نقيب الموسيقيين السابق: “أنا مستغرب جدًا الناس دي ساذجة وأنا لو عايز أمنع همنع الناس اللي بتشوه الفن مش كاظم الساهر، طب هو بقاله 12 سنة وأنا مسكت النقابة 7 سنين بس.. ده كلام فارغ وصديقي كاظم الساهر مقرب مني وبحبه جدا وعارف الشعب المصري بيعزه أوي.
وعلق على قرار إستقالته من نقابة المهن الموسيقية مؤخرًا، بعد الاشتباكات التي حدثت في مؤتمر إعتذار حسن شاكوش لـسعيد الأرتيست، قائلاً: “القرار ده نهائي بلا رجعة فيه، رغم إني قلت أكتر من مرة إني هاستقيل.. اللي حصل في المؤتمر الصحفي ده كان كافي إني أستقيل، متعملش حساب للنقيب ولا للمجلس.. رغم أني كنت موجود عشان أكبّر الناس كلها.. ولقيت وشوش تانية.. وأنا مش متعود على كده”.
وأما عن إعلان ندمه على مقعد النقيب بالموسيقيين، قال هاني شاكر: “كنت بهزر ومينفعش أقول على الكرسي اللي قعدت عليه أم كلثوم وعبد الوهاب غلطة وندمان عليها”.
